Shri Bagalamukhi Brahmastra Kavacham

kailāsācala-madhyagaṃ puravahaṃ śāntaṃ trinetraṃ śivaṃ vāmasthā kavacaṃ praṇamya girijā bhūti-pradaṃ pṛcchati । devī śrī-bagalāmukhī ripu-kulāraṇyāgni-rūpā ca yā tasyāścāpa vimukta mantra sahitaṃ prītyā’dhunā brūhi mām ॥ 1 ॥

devī śrī-bhava-vallabhe śṛṇu mahā-mantraṃ vibhūti-pradaṃ devyā varma-yutaṃ samasta-sukhadaṃ sāmrājyada-muktidam । tāraṃ rudra-vadhūṃ viriñci-mahilā-viṣṇu-priyā-kāma-yukkānte śrībagalānane mama ripun-nāśāya yugmantviti ॥ 2 ॥

aiśvaryāṇi padaṃ ca dehi yugalaṃ śīghraṃ manovāñchitaṃ kāryaṃ sādhaya yugmayuk-chiva-vadhū-vahni-priyānto manuḥ । kaṃsāres-tanayañca bījam-aparā śaktiśca vāṇī tathā kīlaṃ śrīmati bhairava-rṣṣi-sahitaṃ chando virāṭ saṃyutam ॥ 3 ॥

sveṣṭārthasya parasya vetti nitarāṃ kāryasya samprāptaye nānā-sādhya-mahāgadasya niyatan-nāśāya vīryāptaye । dhyātvā śrī-bagalānanā-manu-varaṃ japtvā sahasrākhyakaṃ dīrghaiḥ ṣaṭkayutaiśca rudra-mahilā-bījair-vinyāssyāṅgake ॥ 4 ॥

sauvarṇ-āsana-saṃsthitāṃ tri-nayanāṃ pītāṃśu-kolāsinīṃ hemābhāṅga-ruciṃ śaśāṅka-mukuṭāṃ srak-campaka-srag-yutām । hastair-madgara-pāśa-baddha-rasanāṃ sambibhratīṃ bhūṣaṇa-vyāptāṅgīṃ bagalāmukhīṃ tri-jagatāṃsaṃstambhinīṃ cintayet ॥ 5 ॥

oṃ asya śrī-bagalāmukhī brahmāstra mantra kavacasya । bhairava ṛṣiḥ । virāṭ chandaḥ । śrī bagalāmukhī devatā । klīm̐ bījaṃ । aim̐ śaktiḥ । śrīm̐ kīlakaṃ । mama parasya ca manobhilaṣiteṣṭa-kārya-siddhaye viniyogaḥ ॥ 6 ॥

oṃ hrīm̐ aim̐ śrīm̐ klīm̐ śrībagalānane mama ripūn nāśaya nāśaya mamaiśvaryāṇi dehi dehi śīghraṃ manovāñchita kāryaṃ sādhayaḥ sādhayaḥ hrīm̐ svāhā ॥ 7 ॥

śiro me pātu oṃ hrīm̐ aim̐ śrīm̐ klīm̐ pātu lalāṭakam । sambodhana-padam pātu netre śrībagalānane ॥ 8 ॥

śrutau mama ripum pātu nāsikān nāśaya dvayam । pātu gaṇḍau sadā mām aiśvaryāṇy antantu mastakam ॥ 9 ॥

dehi dvandvaṃ sadā jihvām pātu śīghraṃ vaco mama । kaṇṭha-deśaṃ manaḥ pātu vāñchitam bāhu-mūlakam ॥ 10 ॥

kāryaṃ sādhaya dvandvantu karau pātu sadā mama । māyā-yuktā tathā svāhā hṛdayaṃ pātu sarvadā ॥ 11 ॥

aṣṭādhika-catvāriṃśad-aṇḍāḍhyā bagalāmukhī । rakṣāṃ karotu sarvatra gṛhe’raṇye sadā mama ॥ 12 ॥

brahmāstrākhyo manuḥ pātu sarvāṅge sarva-sandhiṣu । mantra-rājaḥ sadā rakṣāṃ karotu mama sarvadā ॥ 13 ॥

oṃ hrīm̐ pātu nābhi-deśame kaṭime bagalāvatu । mukhī varṇa-dvayam pātu liṅgame muṣka-yugmakam ॥ 14 ॥

jānunī sarva-duṣṭānām pātu me varṇa-pañcakam । vācaṃ mukhaṃ tathā padaṃ ṣaḍ-varṇā parameśvarī ॥ 15 ॥

jaṅghā-yugme sadā pātu bagalā ripu-mohinī । stambhayeti padaṃ pṛṣṭhaṃ pātu varṇa-trayaṃ mama ॥ 16 ॥

jihvāṃ varṇa-dvayam pātu gulphau me kīlayeti ca । pādordhvaṃ sarvadā pātu buddhiṃ pādatale mama ॥ 17 ॥

vināśaya padam pātu pādāṅgulyor nakhāni me । hrīm̐ bījaṃ sarvadā pātu buddhīndriya-vacāṃsi me ॥ 18 ॥

sarvāṅgaṃ praṇavaḥ pātu svāhā romāṇi me’vatu । brāhmī pūrvadale pātu cāgneyāṃ viṣṇu-vallabhā ॥ 19 ॥

māheśī dakṣiṇe pātu cāmuṇḍā rākṣase’vatu । kaumārī paścime pātu vāyavye cāparājitā ॥ 20 ॥

vārāhī cottare pātu nārasiṃhī śive’vatu । ūrddhvaṃ pātu mahālakṣmīḥ pātāle śāradā’vatu ॥ 21 ॥

ityaṣṭau śaktayaḥ pāntu sāyudhāśca savāhanāḥ । rāja-dvāre mahā-durge pātu māṃ gaṇa-nāyakaḥ ॥ 22 ॥

śmaśāne jala-madhye ca bhairavaśca sadā’vatu । dvi-bhujā rakta-vasanāḥ sarvābharaṇa-bhūṣitāḥ ॥ 23 ॥

iti te kathitaṃ devi kavacaṃ paramādbhutam ॥ 24 ॥

śrī-viśva-vijayan-nāma kīrti-śrī-vijaya-pradam । aputro labhate putraṃ dhīraṃ śūraṃ śatāyuṣam ॥ 25 ॥

nird-dhano dhanam āpnoti kavacasyāsya pāṭhataḥ । japitvā mantra-rājantu dhyātvā śrī-bagalāmukhīm ॥ 26 ॥

paṭhed idaṃ hi kavacaṃ niśāyāṃ niyamāt tu yaH । yad yat kāmayate kāmaṃ sādhyāsādhye mahītale ॥ 27 ॥

tat tat kāmam avāpnoti sapta-rātreṇa śaṅkarī । guruṃ dhyātvā surāṃ pītvā rātrau śakti-samanvitaḥ ॥ 28 ॥

kavacaṃ yaH paThed devi tasyāsādhyaṃ na kiñcana । yaM dhyātvā prajapen mantraṃ sahasraṃ kavacaṃ paṭhet ॥ 29 ॥

trirātreṇa vashaṃ yāti mṛtyoḥ tannātra saṃśayaḥ । likhitvā pratimāṃ śatroḥ satālena haridrayā ॥ 30 ॥

likhitvā hṛdi tan-nāma taṃ dhyātvā prajapen manum । eka-viṃśad-dinaṃ yāvat pratyahaṃ ca sahasrakam ॥ 31 ॥

japtvā paṭhet tu kavacaṃ catur-viṃśati-vārakam । saṃstambhaṃ jāyate śatror nnātra kāryā vicāraṇā ॥ 32 ॥

vivāde vijayaṃ tasya saṅgrāme jayam āpnuyāt । śmaśāne ca bhayaṃ nāsti kavacasya prabhāvataḥ ॥ 33 ॥

navanītaṃ cābhimantrya strīṇāṃ dadyān maheśvari । vandhyāyāṃ jāyate putro vidyā-bala-samanvitaḥ ॥ 34 ॥

śmaśānāṅgāram ādāya bhaume rātrau śanāvatha । pādodakena spṛṣṭvā ca likhel loha-śalākayā ॥ 35 ॥

bhūmau śatroḥ svarūpaṃ ca hṛdi nāma samālikhet । hastaṃ tad-hṛdaye datvā kavacaṃ tithi-vārakam ॥ 36 ॥

dhyātvā japen mantra-rājaṃ nava-rātraṃ prayatnataḥ । mriyate jvara-dāhena daśame’hni na saṃśayaḥ ॥ 37 ॥

bhūrja-patreṣv idaṃ stotram aṣṭa-gandhena saṃlikhet । dhārayed dakṣiṇe bāhau nārī vāma-bhuje tathā ॥ 38 ॥

saṅgrāme jayam āpnoti nārī putravatī bhavet । brahmāstrādīni śastrāṇi naiva kṛntanti taṃ janam ॥ 39 ॥

sampūjya kavacaṃ nityaṃ pūjāyāḥ phalam ālabhet । bṛhaspati-samo vāpi vibhave dhanadopamaḥ ॥ 40 ॥

kāmatulyaś ca nārīṇāṃ śatrūṇāṃ ca yamopamaḥ । kavitā-laharī tasya bhaved gaṅgā-pravāhavat ॥ 41 ॥

gadya-padya-mayī vāṇī bhaved devī-prasādataḥ । ekādaśa-śataṃ yāvat puraścaraṇam ucyate ॥ 42 ॥

puraścaryā-vihīnantu na cedam phala-dāyakam । na deyaṃ para-śiṣyebhyo duṣṭebhyaś ca viśeṣataḥ ॥ 43 ॥

deyaṃ śiṣyāya bhaktāya pañcatvaṃ cānyathā’pnuyāt । idaṃ kavacam ajñātvā bhajed yo bagalāmukhīm । śata-koṭi japitvā tu tasya siddhir na jāyate ॥ 44 ॥

dārāḍhyo manujo’sya lakṣa-japataḥ prāpnoti siddhiṃ parām । vidyāṃ śrī-vijayaṃ tathā suniyataṃ dhīraṃ ca vīraṃ varam । brahmāstrākhya-manuṃ vilikhya nitarāṃ bhūrjeṣṭa-gandhena vai dhṛtvā rāja-puraṃ vrajanti khalu ye dāso’sti teṣāṃ nṛpaḥ ॥ 45 ॥

iti viśvasāroddhāra-tantre pārvatīśvara-saṃvāde bagalāmukhī-kavacaṃ sampūrṇam ॥