Shri Bagalamukhi Kavacham
Introduction
This divine armor of Goddess Bagalamukhi is sourced from the Rudrayamala Tantra. It is known to destroy enemies and remove all inauspiciousness.
oṃ asya śrībagalāmukhīkavacasya | nārada ṛṣiḥ | anuṣṭup chandaḥ | śrī bagalāmukhī devatā | hrīṃ bījaṃ | aiṃ kīlakaṃ | puruṣārthacatuṣṭaye jape viniyogaḥ ||
madhyesudhābdhimaṇimaṇḍaperatnavedyāṃ siṃhāsanoparigatāṃ paripītavarṇām | pītāmbarābharaṇamālyavibhūṣitāṅgīṃ devīṃ bhajāmī dhṛtamudgaravairijihvām || 1 ||
jihvāgramādāya kareṇa devīṃ vāmena śatrūn paripīḍayantīm | gadābhighātena ca dakṣiṇena pītāmbarāḍhyāṃ dvibhujāṃ namāmi || 2 ||
devadeva mahādeva bhaktānugrahakāraka | śṛṇu vijñāpyate yattu śrutvā sarvaṃ nivedaya || 1 ||
viśuddhāḥ kaulikā loke ye matkarmaparāyaṇāḥ | teṣāṃ nindākarā loke bahavaḥ kila durjanāḥ || 2 ||
manobādhāṃ vidadhate muhuḥ kaṭubhiruktibhiḥ | teṣāmāśu vināśāya tvayā deva prakāśitaḥ || 3 ||
yo mantro bagalāmukhyāḥ sarvakāmasamṛddhidaḥ | kavacaṃ tasya mantrasya prakāśaya dayānidhe || 4 ||
śṛṇu tvaṃ bagalāmukhyāḥ kavacaṃ sarvakāmadaṃ | yena saṃrakṣito loke vijayī sarvato bhavet || 5 ||
śiro me bagalā pātu hṛdayaikākṣarī parā | oṃ hrīṃ oṃ me lalāṭe ca bagalā vairināśinī || 1 ||
gadāhastā sadā pātu mukhaṃ me mokṣadāyinī | vairijihvādharā pātu kańṭhaṃ me bagalamukhi || 2 ||
udaraṃ nābhideśaṃ ca pātu nityaṃ parātparā | parātparatarā pātu mama guhyaṃ sureśvarī || 3 ||
hastau caiva tathā pādau pārvatī paripātu me | vivāde viṣame ghore saṅgrāme ripusaṅkaṭe || 4 ||
pītāmbaradharā pātu sarvāṅgaṃ śivanartakī | śrīvidyā samaye pātu mātaṅgī pūritā śivā || 5 ||
pātu putraṃ sutāṃ caiva kalatraṃ kālikā mama | pātu nityaṃ bhrātaraṃ me pitaraṃ śūlinī sadā || 6 ||
iti te kathitaṃ devi kavacaṃ paramādbhutam | śrīviśvavijayaṃ nāma kīrtiśrīvijayapradām || 7 ||
aputro labhate putraṃ dhīraṃ śūraṃ śatāyuṣam | nirdhano dhanamāpnoti kavacasyāsya pāṭhataḥ || 8 ||
japitvā mantrarājaṃ tu dhyātvā śrī bagalāmukhīm | paṭhedidaṃ hi kavacaṃ niśāyāṃ niyamāt tu yaḥ || 9 ||
yad yat kāmayate kāmaṃ sādhyāsādhye mahītale | tat tat kāmamavāpnoti saptarātreṇa śaṅkarī || 10 ||
guruṃ dhyātvā surāṃ pītvā rātrau śakti-samanvitaḥ | kavacaṃ yaḥ paṭhed devi tasyāsādhyaṃ na kiñcana || 11 ||
yaṃ dhyātvā prajapanmantraṃ sahasraṃ kavacaṃ paṭhet | trirātreṇa vaśaṃ yāti mṛtyoḥ tannātra saṃśayaḥ || 12 ||
likhitvā pratimāṃ śatroḥ satālena haridrayā | likhitvā hṛdi tannāma taṃ dhyātvā prajaped manum || 13 ||
ekaviṃśatinadinaṃ yāvat pratyahaṃ ca sahasrakam | japtvā paṭhet tu kavacaṃ caturviṃśativārakam || 14 ||
saṃstambhaṃ jāyate śatrornātra kāryā vicāraṇā | vivāde vijayaṃ tasya saṅgrāme jayamāpnuyāt || 15 ||
śmaśāne ca bhayaṃ nāsti kavacasya prabhāvataḥ | navanītaṃ cābhimantrya strīṇāṃ dadyānmaheśvari || 16 ||
vandhyāyāṃ jāyate putro vidyābalasamanvitaḥ | śmaśānāṅgāramādāya bhaume rātrau śanāvatha || 17 ||
pādodakena spṛṣṭvā ca likhet lohaśalākayā | bhūmau śatroḥ svarūpaṃ ca hṛdi nāma samālikhet || 18 ||
hastaṃ taddhṛdaye dattvā kavacaṃ tithivārakam | dhyātvā japed mantrarājaṃ navarātraṃ prayatnataḥ || 19 ||
mriyate jvaradāhena daśame'hany na saṃśayaḥ | bhūrjapatreṣvidaṃ stotramaṣṭagandhena saṃlikhet || 20 ||
dhārayed dakṣiṇe bāhau nārī vāmabhuje tathā | saṅgrāme jayamāpnoti nārī putravatī bhavet || 21 ||
sampūjya kavacaṃ nityaṃ pūjāyāḥ phalamālabhet | brahmāstrādīni śastrāṇi naiva kṛntanti taṃ janam || 22 ||
bṛhaspatisamo vāpi vibhave dhanadopamaḥ | kāmatulyaśca nārīṇāṃ śatrūṇāṃ ca yamopamaḥ || 23 ||
kavitālaharī tasya bhaved gaṅgāpravāhavat | gadyapadyamayī vāṇī bhaved devī prasādataḥ || 24 ||
ekādaśaśataṃ yāvat puraścaraṇamucyate | puraścaryāvihīnaṃ tu na cedaṃ phaladāyakam || 25 ||
na deyaṃ paraśiṣyebhyo duṣṭebhyaśca viśeṣataḥ | deyaṃ śiṣyāya bhaktāya pañcatvaṃ cānyathā'pnuyāt || 26 ||
iti śrīrudrayāmale bagalāmukhīkavacaṃ sampūrṇam ||
Source: Vishwasaroddhara Tantra | Official Mandir Text